ՀՀ նախագահի աշխատակազմը մի շարք մարզերում աշակերտներին համակարգիչներ է տրամադրել

Հայաստանի նախագահ Արմեն Սարգսյանի հանձնարարությամբ այս օրերին ուշադրության կենտրոնում են հատկապես սահմանամերձ եւ հեռավոր շրջանների, ինչպես նաեւ երկրաշարժից տուժած գոտու սոցիալապես ամենախոցելի եւ կարիքավոր խմբերը:

Աջակցության ծրագիրն իրականացվելու է փուլերով: Ներկա փուլն ընդհանուր առմամբ ընդգրկում է շուրջ 200 շահառու սոցիալական տարբեր խմբերից:

Այս պահին առաջնային են հեռավար կրթությանը մասնակցելու հնարավորություն չունեցող, հատկապես՝ սահմանամերձ համայնքների եւ սոցիալապես խոցելի խավերի երեխաները, բազմազավակ ընտանիքներն ու տարեցները:

Հեռավար կրթությունը հասանելի դարձնելու նպատակով Տավուշի մարզի սահմանամերձ Չինարի, Ներքին Կարմիրաղբյուր, Մովսես, Չորաթան, Այգեպար համայնքների կարիքավոր եւ զոհված զինծառայողների ընտանիքների երեխաներին տրամադրվել են համակարգիչներ։

11:57 | 03.04.20 |

Կառավարությունում քննարկվել է հեռավար ուսուցման հասանելիության ապահովման առաջարկը

Համակարգիչներ են տրամադրվել նաեւ «Շիրակ կենտրոն» հասարակական կազմակերպության 5 սաների եւ բազմազավակ 7 ընտանիքների:

Ծրագրում ընդգրկված են նաեւ մի խումբ բազմազավակ ընտանիքներ Երեւանից, ինչպես նաեւ Արարատի, Արմավիրի, Սյունիքի, Տավուշի, Կոտայքի մարզերից, որոնք ունեն 6-14 երեխա: Բոլոր շահառուներին հատկացվել են առաջին անհրաժեշտության պարագաներ եւ սնունդ: