Գրասենյակային աղմուկի գեներատորը կօգնի հեշտացնել հեռավար աշխատանքը

Գործարկվել է նոր կայք, որը դուր կգա հատկապես այն մարդկանց, որոնք այս օրերին ստիպված անցել են հեռավար աշխատանքի ռեժիմի, սակայն կարոտում են գրասենյակային առօրյան եւ գործընկերներին:

imisstheoffice կայքը, որը ստեղծվել է գերմանական Kids Creative Agency-ի թիմի կողմից, իրենից ներկայացնում է գրասենյակային աղմուկի գեներատոր: Կարելի է ընտրել դուր եկած աղմուկը եւ մտովի պատկերացնել ձեզ գրասենյակային միջավայրում:

Առաջարկվող աղմուկի տարբերակներից են՝ գործընկերների կողմից բառակապակցությունների կտորներ, շարժվող կահույքի ձայն, ստեղնաշարի աղմուկ, հեռախոսազանգ եւ այլն: