Chrome բրաուզերը կսկսի նախազգուշացնել դանդաղ աշխատող կայքերի մասին, այդպիսով ցույց տալով, որ նման դեպքերում ինքը մեղավորություն չունի:
Պաշտոնական հայտարարության համաձայն, դանդաղ բացվող կայքի մասին կվկայի բրաուզերում՝ հասցեի տակ հայտնվող կապույտ գիծը, ինչպես նաեւ «կայքը սովորաբար դանդաղ է ներբեռնվում» նախազգուշացումը:
Արագությամբ աչքի ընկնող կայքերը կնշվեն կանաչ գծով:
«Արագությունն ամենասկզբից եղել է Chrome-ի հիմնաքարային սկզբունքներից մեկը… Մենք կարծում ենք, որ ինտերնետը կարող է ավելի լավը դառնալ եւ ցանկանում ենք օգնել օգտատերերին հասկանալ, թե որ կայքերն են դանդաղ բացվում, միաժամանակ ոգեւորելով այն կայքերին, որոնք արագ են»,- ասված է Chrome-ի թիմի տարածած հաղորդագրությունում:
