Դեյվիդ Կոնրադ. Ապագայում կտեսնենք դոմենային անունների եւ ինտերնետի միջազգայնացում

Դեյվիդ Կոնրադը ICANN-ի (Հատկացված անունների եւ համարների Ինտերնետ կորպորացիա) գլխավոր տեխնոլոգիական ղեկավարն է:

Itel.am-ը Դեյվիդ Կոնրադի հետ զրուցել է վերջերս Երեւանում կայացած 4-րդ Արեւելաեվրոպական DNS համաժողովի (EEDNSF) շրջանակում:

- Ինչպես եք գնահատում տարածաշրջանի ինտերնետ ենթակառուցվածքների զարգացումը՝ համեմատած աշխարհի այլ վայրերի հետ:

- Ես կարծում եմ, որ նման տարածաշրջաններում դեռ աճի մեծ տեղ կա եւ ակնկալում եմ, որ առաջիկա 5 տարիներին այդ փոփոխությունները կտեսնենք նաեւ Հայաստանում:

- Ինչպե՞ս է ICANN-ն աշխատում ինտերնետի այլ օղակների հետ:

- Ամեն անգամ, երբ որեւէ դոմեյն, օրինակ.am-ը կամ .com-ը ցանկանում է փոխել իրենում առկա տեղեկատվությունը, ենթակառուցվածքները մեզ հարցում են ուղարկում, մենք հաստատում ենք այդ հարցումը, վստահանում, որ այն իրոք իմաստ է պարունակում, եւ հետո ուղարկում այն գլոբալ հասցեագիրք: Սա նշանակում է, ICANN-ն ունի անմիջական գործառնական դեր:

Մենք նաեւ թույլ ենք տալիս, որ մարդիկ քննարկումների միջոցով զարգացման հետագա քայլերի շուրջ մտքեր փոխանակեն եւ եզրահանգումների գան:

ICANN-ը հարթակ է տրամադրում մարդկանց, որպեսզի խոսեն քաղաքականության մշակման այն հարցերի շուրջ, որոնք իրենց մտահոգում են՝ կապված ինտերնետ ռեսուրսների կառավարման հետ:

- Ո՞րն է դոմենային այն անունների ապագան, որոնք տեղական լեզուներով են, օրինակ՝. Հայ-ը:

- Այսօր 4,8 մլրդ մարդ օգտվում է Ինտերնետից, եւ դրանց մի զգալի հատված այնպիսի երկրներից են, որոնք չեն օգտագործում միջազգային նշաններ: Մենք ակնկալում ենք, որ ապագայում կտեսնենք դոմենային անունների եւ ընդհանուր առմամբ, ինտերնետի ավելի մեծ միջազգայնացում, քանի որ, օրինակ, Ասիան ունի Ինտերնետի օգտատերերի վիթխարի չափաբաժին: Այսպիսով, ավելի ու ավելի շատ համակարգերի եւ ծրագրերի կարիք կլինի՝ աջակցելու միջազգայնացմանը:

Որքանո՞վ են կրիտիկական եւ անվտանգ DNS գործողությունները: Այս կոնցեպտն ունի կիբեռ հիգիենա անունը: Այն վստահանում է, որ դուք ունեք բարդ գաղտնաբառեր, չեք օգտագործում նույն գաղտնաբառը տարբեր տեղերում, թարմացված եք պահում ձեր համակարգերը: Շատ մարդիկ լիովին չեն հասկանում, որ եթե իրենց դոմենային անունը գողանան, դա նշանակում է, որ գողացվել է այդ դոմենային անվան տակ ամեն բան: Այդ իսկ պատճառով մենք խրախուսում ենք, որ մարդիկ բարելավեն իրենց կիբեռ հիգիենան:

Դեյվիդ Կոնրադի հետ զրուցել է Նարինե Դանեղյանը