Հայտնի են Index Ventures Armenia Tech Summit-ում փիչինգի հաղթողները

Երեւանում են Սան Ֆրանցիսկոյում եւ Լոնդոնում տեղակայված Index Ventures վենչուրային հիմնադրամի ներկայացուցիչները, որոնք այս օրերին հանդիպումներ են ունենում հայկական ստարտափ էկոհամակարգի ներկայացուցիչների հետ, տրամադրում խորհրդատվություն:

Մարտի 14-ին «Թումո» կենտրոնում անցկացվեց Index Ventures Armenia Tech Summit-ը, որի շրջանակում տեղի ունեցավ 3 պանելային քննարկում՝ «Ներդրումներ զարգացող շուկաներում», «Սաղմնային փուլում ներդրումների ստացում» եւ «Կարեւոր իրավաբանական եւ հաղորդակցական խորհուրդներ» թեմաններով:

10:49 | 15.03.19 |

Վարչապետ. ՀՀ կառավարությունը շահագրգռված է համագործակցել Index Ventures-ի հետ

«Index Ventures-ը միշտ հավատացել է, որ ձեռներեցությունը կարող է ի հայտ գալ Սիլիկոնյան հովտից դուրս: Այդ իսկ պատճառով յուրաքանչյուր տարի, մենք այցելում ենք որեւէ զարգացող ստարտափ էկոհամակարգ, ինչպես Հայաստանն է, ստարտափներին մենթորություն տրամադրելու նպատակով»,- Itel.am-ի հետ զրույցում նշել է Index Ventures-ի տնօրեն եւ HIVE Ventures-ի հիմնադիր Նինա Աչաջյանը:

Միջոցառման ավարտին հայաստանյան 10 ստարտափներ մասնակցեցին փիչինգ մրցույթի՝ իրենց լուծումները ներկայացնելով Index Ventures-ի թիմին: Թեեւ հիմնադրամի թիմը նախատեսում էր ներդրում կատարել 1 ստարտափում ($25 հազ.), սակայն փիչերը լսելուց հետո որոշեց ֆինանսավորում տրամադրել միանգամից 3 ստարտափի: Դրանք են՝

Embry ստարտափը, որը ստեղծել է քաշի կառավարման նոր սերնդի կրելի սարք, ստացավ $10 հազ. ներդրում:

D'efekt ստարտափը, որի ստեղծած հավելվածը հնարավորություն է տալիս արհեստական բանականության կիրառմամբ ստեղծել բազմատեսակ վիզուալ նյութեր եւ կիսվել դրանցով, ստացավ $15 հազ. ներդրում:

17:43 | 25.02.19 |

D'efekt-ը եւ RetentionForce-ը՝ HyeTech EIP փիչինգ մրցույթի հաղթողներ

RetentionForce ստարտափը, որի մշակած լուծումը թույլ է տալիս պահել հաճախորդների հետաքրքրությունը գեղեցկության սրահների նկատմամբ, ստացավ $25 հազ. ներդրում:

Նարինե Դանեղյան