Ալեքսիս Օհանյան

Reddit

Ամերիկահայ ձեռներեց, ներդրող, Reddit սոցիալական լրատվական կայքի համահիմնադիր

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

ARLOOPA

Վիրտուալ եւ լրացված իրականություն

Shadowmatic

Երեւակայությունը զարգացնող 3D փազլային խաղ

Cubway

Արկադային (Arcade game) էլեմենտներով puzzle խաղ

Eye Care Plus

Ստուգել եւ մարզել տեսողությունը

Yerevan Events

Մշակութային և ժամանցային միջոցառումների ուղեցույց

Zangi

Անվճար HD տեսազանգեր,չաթ

Noble Run

Անցնել խոչընդոտները եւ ողջ մնալ

Mathuk

Մաթեմատիկա սովորեցնող օնլայն համակարգ

Հայկական PayX համակարգը կօգնի մոբայլ վճարումներ կատարել

Երեւանում պաշտոնապես ներկայացվել է PayX հայկական ֆինտեխ ստարտափը, որի նորարարական լուծումները հնարավորություն կընձեռեն մոբայլ հեռախոսներով կատարել արագ ու անվտանգ անկանխիկ վճարումներ՝ մեկ հպումով։

Դեկտեմբերի 4-ի երեկոյան կայացած շնորհանդեսին մասնակցել են VISA International-ի, ՀՀ Կենտրոնական բանկի, ArCa վճարային համակարգի, ինչպես նաեւ հայաստանյան տարբեր բանկերի եւ խոշոր ՏՏ կազմակերպությունների ներկայացուցիչները։

PayX ընկերությունը ստեղծում է մոբայլ հեռախոսներով վճարումներ կատարելու համար միասնական ենթակառուցվածք, որում հնարավոր է կատարել վճարումներ QR կոդերի ընթերցման միջոցով։ Վճարումները հնարավոր է կատարել PayX հավելվածով, ինչպես նաեւ գործընկեր կազմակերպությունների եւ բանկերի մոբայլ հավելվածներով։

Ընկերության համահիմնադիր Սմբատ Նասիբյանի խոսքով՝ PayX-ի հիմնական առավելությունն այն է, որ ոչ թե QR վճարումների լոկալ միավոր է ստեղծում, այլ բոլորին համագործակցելու հնարավորություն է ընձեռում:

«Մենք բոլոր կառույցներին տալիս ենք լրացուցիչ անվճար ծառայություն, որպեսզի նրանք կարողանան թույլ տալ հաճախորդներին իրենց հավելվածներում օգտվել մյուս մասնակիցների ընձեռած հնարավորություններից»,- ասել է նա:

Սմբատ Նասիբյանը հույս է հայտնել, որ PayX-ը կզարգանա եւ հնարավորություն կտա, որ այլ երկրների քարտերը եւս կարողանան կցվել եւ սպասարկվել առեւտրային կետերում:

«Մենք տեղական ֆինտեխ ստարտափ ենք, եւ մեր բոլոր նախաձեռնություններն իրականացնում ենք ինքնուրույն, մեր սեփական ուժերով: Ծրագրավորումն ու կազմակերպչական բոլոր աշխատանքները կատարել է մեր թիմը: Համագործակցել ենք ArCa ընկերության եւ Visa Internaitonal-ի հետ»,- հավելել է PayX-ի համահիմնադիր Բենիամին Թադեւոսյանը։

Ընկերությունն արդեն համագործակցում է հայաստանյան 6 բանկերի՝ Evocabank, Արարատբանկ, ՎՏԲ-Հայաստան Բանկ, Յունիբանկ, Ամերիաբանկ, Արդշինբանկ, ինչպես նաեւ 3 վճարային համակարգերի հետ՝ ՄոբիԴրամ, Easy Pay եւ «Արմենիան Քարդ»:

PayX հավելվածում առկա է նաեւ ակումբային եւ զեղչային քարտերի «թվայնացման» հնարավորություն, որի շնորհիվ օգտատերն ազատվում է դրամապանակն ամենուր իր հետ կրելու անհրաժեշտությունից։

Առաջիկայում PayX հավելվածում հնարավոր կլինի իրականացնել քարտից քարտ փոխանցումներ, վարկերի մարումներ եւ կոմունալ վճարումներ։

Ընկերությունը հայաստանյան շուկային է առաջարկում նաեւ MerchantX հավելվածը, որը նախատեսված է խանութների, ռեստորանների եւ ծառայություններ մատուցող կազմակերպությունների համար եւ կարող է օգտագործվել անկանխիկ վճարումներն ինչպես տեղում, այնպես էլ հեռահար ընդունելու համար։

Նախագիծն իրականացվում է VISA International-ի աջակցությամբ։

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo