10:57 | 03.12.18 | Նորություններ | 3148

ԱԱԾ-ն եւ ԱՏՁՄ-ն կհամագործակցեն ՀՀ կիբեռանվտանգության ապահովման ուղղությամբ

ՀՀ Ազգային անվտանգության ծառայությունն ու Առաջատար տեխնոլոգիաների ձեռնարկությունների միությունը (ԱՏՁՄ) ստորագրել են «Հայաստանի կիբեռանվտանգությունն ապահովելու ոլորտում» համագործակցության մասին հուշագիր:

Հուշագիրը ստորագրվել է անցած շաբաթ Դիլիջանում կայացած 6-րդ ամենամյա Բիզնես ինովացիոն ֆորումի շրջանակում, որը կրում էր «Հայաստանի արդիականացման ճանապարհին» խորագիրը:

Հուշագիրը ստորագրել են ԱԱԾ պետ Արթուր Վանեցյանը եւ ԱՏՁՄ գործադիր տնօրեն Կարեն Վարդանյանը:

Կողմերը նշել են, որ կներդնեն իրենց փորձառությունը ՀՀ կիբեռանվտանգության ոլորտում խնդիրների բացահայտման ու լուծումներ մշակելու, պատերազմական դրության ժամանակ անխափան համագործակցելու եւ ազգային անվտանգություն ապահովելու նպատակով: