«Նիկիտա Մոբայլ»-ը ներկայացրել է իր նոր ծառայությունը՝ ОMNI Channel-ը, որը երրորդ սերնդի կոնտակտ կենտրոն է:
Կոնտակտ կենտրոնի գաղափարն անցել է էվոլյուցիայի մի քանի փուլ: Սկզբում, այն իրենից ներկայացնում էր միայն զանգերի սպասարկում, հետագայում՝ դրանց ավելացել են կայքերում տեղադրված live-չաթերը եւ էլ.փոստը: Այժմ այն ենթադրում է տարատեսակ կապի միջոցների միավորում մեկ համակարգում՝ հաճախորդի հետ անխափան եւ շարունակական կապն ապահովելու համար:
««Նիկիտա Մոբայլ»-ը, լինելով նորարարական ընկերություն, հետեւում է շուկայի աճող պահանջարկին եւ իր մատուցած ծառայությունները համալրել է նոր՝ OMNI channel Call Center ծառայությունով: Ունենալով ավելի քան 10 տարվա փորձ եւ Հայաստանում խոշորագույն զանգերի կենտրոններից մեկը, մենք վաղուց ենք զգացել այս ծառայության անհրաժեշտությունը»,- ասել է «Նիկիտա Մոբայլ» ընկերության հիմնադիր Արա Յաղջյանը:
Նրա խոսքով՝ տեխնոլոգիաների զարգացումը բերում է նրան, որ մարդկանց առավել հարմար է օգտվել մեսինջերներից, քան հեռախոսներից, իսկ փորձը ցույց է տալիս, որ զանգահարողների գրեթե կեսը հարցադրում են հաճախակի տրվող հարցեր:
«OMNI channel նախագիծը, այս առումով, հետեւում է ժամանակակից տենդեցներին եւ թույլ է տալիս նվազեցնել զանգերին պատասխանող աշխատակիցների ծանրաբեռնվածությունը: Ծառայության լուծումները բավականին հետաքրքիր են եւ նոր հայաստանյան շուայի համար»,- հավելել է նա:
Ծառայությունը տալիս է հայտնի մեսենջերների եւ վեբ կայքերի հաղորդագրությունների առցանց մշակման հնարավորություն (Telegram, Facebook Messenger, Web չաթ/Live չաթ):
OMNIchannel-ի առավելություննեից են ինքնասպասարկման ծառայություններ՝ բոտերը: Նման ծառայությունները կարող են օգտակար լինել ավտոմատ ռեժիմում հաշվիչների ցուցումները ստանալու, ինտերնետ խանութում պատվերի կարգավիճակը պարզելու, բժշկի մոտ կամ ֆիթնես ակումբում հերթագրվելու եւ այլ նպատակների համար: Դա թույլ է տալիս էականորեն կրճատել հաճախորդներին տեղեկատվություն տրամադրելու ժամանակը:
«Նիկիտա Մոբայլ»-ն իր հաճախորդների հետ կապի մեջ է Telegram, Facebook մեսենջերների եւ Web չաթի միջոցով: Ընկերությունն առաջիկայում նախատեսում է ծառայությունը մատուցել նաեւ Viber եւ Zangi մեսենջերների միջոցով:
