Apple-ը թողարկել է iOS 27-ը՝ Siri AI աջակցությամբ

Apple ընկերությունը թողարկել է iOS 27, iPadOS 27, macOS 27 եւ այլ համակարգեր բոլոր օգտատերերի համար։ 

Վերջին թարմացումները ներառում են ավելի հզոր Siri AI, որը խորապես ինտեգրված է iPhone-ի, iPad-ի, Mac-ի, Apple Watch-ի եւ Apple Vision Pro-ի մեջ։

Apple-ի տվյալներով՝ օգնականը հասկանում է անձնական համատեքստը (հաղորդագրություններից, էլ. փոստից, լուսանկարներից եւ այլ հավելվածներից) եւ ունի լայն աշխարհընկալում։

Siri-ն նաեւ ինտեգրված է iPhone-ի տեսախցիկի հավելվածում։ Սա թույլ է տալիս օգտատերերին իմանալ մանրամասներ այն մասին, թե ինչ է իրենց առջեւում եւ կատարել գործողություններ, ինչպիսիք են՝ «բաժանել հաշիվը» մի քանի մարդկանց միջեւ՝ օգտագործելով Apple Cash-ը։

Օգնականը կարող է նաեւ ճանաչել էկրանի բովանդակությունը եւ պատասխանել դրանց հետ կապված հարցերին կամ կատարել գործողություններ։ Օրինակ՝ սպորտային թիմի կայքը զննելիս կարող եք խնդրել Siri-ին գտնել առաջիկա խաղերը եւ ավելացնել դրանք ձեր օրացույցում։

«Write with Siri» գործառույթն օգտագործելով՝ օգտատերերը կարող են գրել սեւագիր կամ խմբագրել տեքստ։ Apple Intelligence-ը կարող է ավտոմատ կերպով ստուգել տեքստի սխալները մուտքագրման ժամանակ, այդ թվում՝ երրորդ կողմի հավելվածներում։

Օգնականին iPhone-ում ակտիվացնել հնարավոր է Dynamic Island-ից ներքեւ սահեցնելով, օգտագործելով կողային կոճակը կամ ասելով «Hey Siri»։ iPad-ում եւ Mac-ում օգնականը ինտեգրված է Spotlight-ում։ Կա նաեւ Siri հավելված, որն օգտագործում է iCloud-ը։ Օգտատերերը կարող են հարմարեցնել ձայնի արտահայտչականությունն ու տեմպը։

Siri AI-ը թողարկվում է որպես բետա տարբերակ անգլերեն լեզվով։ Ընկերությունը խոստանում է 2026 թվականի հոկտեմբերին ավելացնել ֆրանսերենի, ճապոներենի, կորեերենի, պորտուգալերենի եւ իսպաներենի աջակցությունը։ Apple Intelligence-ը հասանելի է 16 լեզվով։

Ըստ 9to5Mac-ի՝ թարմացված օգնականը եւ Apple Intelligence-ի նոր հնարավորություններն աջակցում են iPhone 15 Pro-ին, iPhone 15 Pro Max-ին, iPhone 16-ին եւ ավելի նոր մոդելներին, ինչպես նաեւ iPhone Air-ին եւ ծալովի iPhone Duo-ին։ 

Siri AI-ը սկզբում չի աշխատի Եվրոպական Միությունում ու Չինաստանում։ Apple-ը նաեւ այլ փոփոխություններ է կատարել օպերացիոն համակարգում, այդ թվում՝ Liquid Glass ինտերֆեյսի թափանցիկությունը կարգավորումը։ Ընկերությունը նաեւ խոստանում է ավելի արագ հավելվածների գործարկում, լուսանկարների վերբեռնում եւ AirDrop փոխանցում, ինչպես նաեւ բջջային տվյալների եւ Wi-Fi-ի միջեւ ավելի սահուն անցում։

Apple-ի կայքում թվարկված են iOS 27, macOS 27, iPadOS 27 եւ watchOS 27 օպերացիոն համակարգերը աջակցող մոդելներ։