Երեւան/Մեդիամաքս/. Այսօր Սան-Ֆրանցիսկոյում կյանքի 70-րդ տարում մահացել է առաջին նոութբուքը նախագծած արդյունաբերական դիզայներ Բիլ Մոգրիջը, հաղորդում է Associated Press-ը:
Մոգրիջին պատկանում է հարթ դիսփլեյով Grid Compass համակարգչի նախագիծը, որն արտաքուստ նման էր գրքի. այն թողարկվել է 1982թ-ին եւ արժեր $8150:
Մոգրիջը դիզայներական կրթություն է ստացել Լոնդոնում, ինչից հետո մեկնել է ԱՄՆ, որտեղ զբաղվել է բուժտեխնիկայի նախագծմամբ:
1972-ին նա սկսել է աշխատել դյուրակիր համակարգչի նախագծի վրա, սակայն չի հասցրել այն մինչեւ արտադրական փուլ: Միայն 7 տարի անց NASA-ն պատվիրել է Մոգրիջին նախագծել աշխարհի առաջին դյուրակիր համակարգիչը՝ բաղկացած 2 ծալվող մասերից՝ դիսփլեյից եւ ստեղնաշարից:
Արդյունքում ստեղծվել է Grid Compass 340 կբ օպերատիվ հիշողությամբ եւ 8 Մհց-անոց պրոցեսորով դյուրակիր համակարգիչը, որն օգտագործվել է Disvovery շաթլի վրա:
11:58 | 08.09.12 |
Նորություններ
Մեկնարկել է առաջին միջազգային Վիքի-կոնֆերանսը Հայաստանում
17:25 | 07.09.12 |
Նորություններ
Համակարգչային խաղերի Հայաստանի առաջնությանը գրանցվել է 29 թիմ
