Երեւան/Մեդիամաքս/. Պատկերների տարածման վրա հիմնված Pinterest.com սոցցանցը բացվել է ազատ գրանցման համար. նախկինում կայքում հնարավոր էր գրանցվել միայն օգտագործողների կողմից հրավիրվածներին:
2010-ին ստեղծված կայքը դարձել է ինտերնետի պատմությունում ամենաարագ աճող վեբ-ռեսուրսը, որի այցելուների թիվը 9 ամսում հատեց 10 մլն-ի սահմանը, գրում է Բի-Բի-Սի-ն:
Կայքը հնարավորություն է տալիս օգտագործողներին տարատեսակ թեմատիկաներով պատկերներ տեղադրել կամ փին (pin) անել վիրտուալ հարթակների (board) վրա, վերաթողարկել կամ «repin» անել ուրիշների տեղադրած պատկերները, մեկնաբանել դրանք եւ այլն:
2012-ի սկզբից օրեկան ավելի քան 30 մլն այցելություններով Pinterest-ը Ֆեյսբուքից ու Թվիթերից հետո ԱՄՆ երրորդ խոշորագույն սոցցանցն է: Ընթացիկ տարվա մայիսին Pinterest-ի մասնաբաժինը $100 մլն-ով վաճառվել է ճապոնական Rakuten ընկերությանը եւ 3 վենչուրային հիմնադրամների, իսկ ընկերության ընդհանուր արժեքը գնահատվել է $1.5 մլրդ:
Ուշագրավ է, որ կայքը դեռեւս եկամուտ չի գեներացնում:
Pinterest-ն ակտիվ օգտագործողներ ունի նաեւ Հայաստանում, ինչի մասին, մասնավորապես, վկայում են կայքում առկա Armenia անվանումներով պատկերների հարթակներ:
12:50 | 09.08.12 |
Նորություններ
Google-ը կներառի Gmail-ի պարունակությունը որոնման արդյունքներում
17:31 | 08.08.12 |
Նորություններ
ՀԾԿՀ-ն պարզաբանումներ է պահանջել ԱրմենՏել-ից
