«Կենգուրու» մաթեմատիկայի մրցույթը կանցկացվի մարտի 20-ին

Մարտի 20-ին տեղի կունենա դպրոցականների կողմից սիրված «Կենգուրու» մաթեմատիկայի մրցույթը։

«Այբ» կրթական հիմնադրամի կողմից անցկացվող մրցույթը 2008-ից ի վեր իր շուրջն է համախմբել 432 000 մասնակցի։

Մրցույթն անցկացվում է առցանց՝ հնարավորություն ընձեռելով հազարավոր երեխաների՝ նոր տեխնոլոգիական լուծումներով ստուգելու իրենց գիտելիքներն ու տրամաբանությունը և մասնակցելու ամենամեծ կրթական շարժմանը Հայաստանում։

Մրցույթին կարող են մասնակցել 3-12-րդ դասարանցիները, ընդ որում՝ թե՛ հայերեն, և թե՛ ռուսերեն լեզուներով։

«Կենգուրու 2022»-ի  գրանցումը բաց է մինչև մարտի 15-ը։

Մրցույթի մասնակցության կանոններին կարող եք ծանոթանալ և գրանցվել այստեղ՝ https://contests.am/kangaroo/

Մրցույթի ֆինտեխ գործընկերը Telcell ընկերությունն է` իր Telcell Wallet հավելվածով: