Sevan Startup Summit 2018

22 Հուլ 2018 - 29 Հուլ 2018
Սեւան

Սամմիթին կմասնակցի շուրջ 1000 ձեռներեց ամբողջ աշխարհից, այդ թվում 120 ստարտափ թիմ
Գրանցվել

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Րաֆֆի Գրիգորյան

U.S. Democratic National Committee

ԱՄՆ դեմոկրատական կուսակցության ազգային հանձնաժողովի գլխավոր տեխնոլոգիական տնօրեն (CTO)

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Dictoro

Սպորտային հանդիպումների հաշիվների կանխատեսում

Melon Splash

Փրկել փոքրիկ կենդանիներին

Dinebook

Նախապես տեղ ամրագրել ժամանցի վայրերում

Calculator (APPA)

Հաշվել ԱՊՊԱ-ի հետ կապված ծախսերը

TaxoLine

Տաքսիների օնլայն պատվիրում Երեւանում

Noble Run

Անցնել խոչընդոտները եւ ողջ մնալ

PicsArt

Lուսանկարների խմբագրման համակարգ

Mathuk

Մաթեմատիկա սովորեցնող օնլայն համակարգ

Ստեֆան Գանչեւ. Տարածաշրջանի հիմնական խնդիրը «գերինժեներությունն» է

2018թ. փետրվարի 8-9-ը Լատվիայի մայրաքաղաք Ռիգայում կայացել է TechChill տեխնոլոգիական միջոցառումը, որը հյուրընկալել էր շուրջ 2000 ներկայացուցչի ամբողջ աշխարհից:

Ստեֆան Գանչեւը Բուլղարիայում գործող LAUNCHub Ventures-ի գործընկերն է: Մինչ LAUNCHub Ventures-ը, աշխատել է France Telecom-ում՝ որպես նորարարությունների գծով ղեկավար:

Ստեֆան Գանչեւը բուլղարական տեխնո էկոհամակարգի ակտիվ դեմքերից է, DigitalK Conference եւ SiliconDrinkabout Sofia միջոցառումների կազմակերպիչներից:  

Itel.am-ի լրագրողը TechChill-ի շրջանակում զրուցել է Ստեֆան Գանչեվի հետ:

- Ո՞րն է LAUNCHub Venture-ի առաքելությունը:

- Հիմնականում փնտրում ենք բուլղարական ստարտափների, քանի որ ֆիզիկապես գտնվում ենք այդ երկրում, բայց մեր ռազմավարությունը տարածաշրջանային է՝ եւ դա լավ հնարավորություն է Կենտրոնական եւ Արեւելյան Եվրոպայի բոլոր լավ ձեռներեցների, այդ թվում՝ հայաստանցիների համար:

Սաղմնային կապիտալի ծավալները բավարար չեն տարածաշրջանում, այնպես որ մենք կարող ենք լրացնել այդ բացը: Լոնդոնում կամ Փարիզում, օրինակ, ստարտափները սաղմնային ներդրումներ ստանալու շատ հնարավորություններ ունեն: Նման հնարավորություններն այդքան էլ շատ չեն Արեւելյան Եվրոպայի տարածաշրջանում:

- Ի՞նչ գիտեք Հայաստանի ՏՏ ոլորտի մասին եւ որքանո՞վ եք հետաքրքրված համագործակցությամբ:

- Մինչ օրս շատ կապեր չենք ունեցել հայաստանյան ստարտափների հետ, բայց կարծում եմ՝ դա նաեւ կապված է էկոհամակարգի հասունացման հետ: Հնարավոր է՝ արդեն այսօր կարելի է ավելի շատ որակյալ հայկական ստարտափների հանդիպել, քան, օրինակ, երկու տարի առաջ:

Անշուշտ, հետաքրքրված ենք համագործակցությամբ, որի ամենաբնական ձեւը անհատների եւ հրեշտակ ներդրողների հետ շփումներն են:

Կարծում եմ՝ Հայաստանը, ընդհանուր առմամբ, ավելի լավ է իրեն դրսեւորում բիզնես եւ վաճառքների հարցում, քան Կենտրոնական եւ Արեւելյան Եվրոպայի շատ երկրներ:

Մեկ այլ կարեւոր հանգամանք է «հայկական մաֆիան»՝ Սփյուռքը: Այդ մարդկանց հետ շփումները կարող են օգուտ տալ, կարող եք նրանց որպես խորհրդատու օգտագործել, նրանք ձեզ կուղղորդեն դեպի պոտենցիալ հաճախորդներ, իսկ ավելի ուշ շրջանում կօգնեն ներկայանալ ներդրողներին:

- Հաճախ ստարտափները վենչուրային հիմնադրամներին դիմելիս շտապում են: Ո՞րն է ճիշտ ժամանակը նման պատասխանատու քայլի համար:  

- Առաջին հերթին, չեմ սիրում «դիմել» տերմինը: Դուք չեք դիմում վենչուրային հիմնադրամին: Դուք դրամահավաք եք անում, չէ՞ որ զրուցում եք փող ունեցող մարդկանց հետ: Երբեմն մարդիկ գալիս են մեզ հետ խոսելու, սակայն պատրաստ չեն լինում այդ զրույցին:

Եթե դուք գաղափարի փուլում եք, կարիք չկա, որ զրուցեք վենչուրային հիմնադրամների հետ: Փոխարենը կարող եք խոսել լոկալ բիզնես հրեշտակների, աքսելերատորների հետ:

Հաճախ, եթե անգամ ունեք պրոդուկտ, բայց դեռ չունեք եկամուտ, նույնպես վաղ է խոսել մեր պես հիմնադրամների հետ՝ հաշվի առնելով այն, որ մենք փնտրում ենք որոշակի նախնական եկամուտ, եթե անգամ այն փոքր է:  

Նախքան ներդրողներին դիմելը ստարտափներին խորհուրդ կտամ նախապես տնային աշխատանք կատարել եւ պարզել, թե որ ներդրողն է ճիշտ ձեր ստարտափի համար:  

- Ի՞նչն է պակասում եվրոպական տարածաշրջանին՝ ավելի շատ մրցակցային լինելու համար:

-Կարծում եմ՝ տարածաշրջանի հիմնական խնդիրներն են «գերինժեներությունը» եւ ամենօրյա վաճառքները: Իհարկե, երբ սկսում եք ստարտափ, ցանկանում եք միանգամից մտածել վաճառքի եւ մարքեթինգի ուղղությամբ, բայց ստարտափի հիմնադիրը գոնե շաբաթը մեկ անգամ պետք է մեկ քայլ հետ կատարի եւ քննարկի ռազմավարությունը՝ ինչ անել հաջորդիվ, ինչպիսի մոտեցում ցույց տալ հաճախորդներին: Սա այն է, ինչը տարածաշրջանի ստարտափները բավարար չափով չեն կատարում:

Մեկ այլ կարեւոր բան է արագությունը: Եվրոպական ստարտափները, ամերիկյանների համեմատ, դանդաղ են:

Մենք, օրինակ, շուրջ 5 տարի առաջ ներդրում կատարեցինք ամերիկյան ստարտափում, եւ միաժամանակ նույնպիսի վաճառքի մոդելով աշխատող մի շարք եվրոպական ստարտափներում: Այսօր ամերիկյան այդ ընկերությունը գնահատվում է $500 մլն եւ տարեկան միլիոնավոր դոլարների վաճառքներ է իրականացնում: Բուլղարիայում գտնվող ստարտափն իր հերթին գնահատվում է ոչ ավելի քան $10 մլն, եւ վաճառքից մեկ միլիոն է տարեկան ստանում: Եվ սա այն դեպքում, երբ երկու ընկերությունները գործունեությունը մեկնարկել են միաժամանակ՝ նմանատիպ վաճառքի մոդելով:

Ստեֆան Գանչեւի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo