Instagram-ն արդեն ցույց է տալիս, թե երբ եք վերջին անգամ օնլայն եղել

Instagram-ը սկսել է ցույց տալ, թե երբ է օգտատերը վերջին անգամ ցանցում ակտիվ եղել:
    
Արդեն հնարավոր է տեսնել, թե արդյոք օգտատերն այդ պահին օնլայն է կամ երբ է վերջին անգամ ակտիվ եղել ցանցում:

Այս պահին գործառույթը հասանելի է միայն այն օգտատերերի դեպքում, որոնց հետ առանձին չատով զրուցել եք կամ նշել ձեր Story-ներում:

Գործառույթը հնարավոր է անջատել կարգավորումներ բաժնում՝ Show Activity Status կոճակի միջոցով: Դա անելու դեպքում, սակայն, չեք տեսնի նաեւ մյուս օգտատերերի ակտիվությունը: