Հանքավանում մեկնարկել են Ինֆորմացիոն տեխնոլոգիաների ձեռնարկությունների միության (ԻՏՁՄ) կողմից իրականացվող ամենամյա «ԴիջիՔեմփ» նորարարական եւ «Արմաթ» ամառային տեխնոլոգիական ճամբարները:
ԻՏՁՄ-ում նշել են, որ 5-րդ ամենամյա «ԴիջիՔեմփ» նորարարական ճամբարին մասնակցում են 14-17 տարեկան ինովացիոն գաղափարներ ունեցող շուրջ 50 պատանիներ: «ԴիջիՔեմփի» նպատակն է աջակցել եւ ուղղորդել ինովացիոն գաղափարներ ունեցող պատանիներին, որպեսզի զարգացնեն իրենց տեխնոլոգիական գաղափարները եւ դրանք դարձնեն բիզնես ծրագրեր:
Ինովացիոն ճամբարի շրջանակում դպրոցականները կլսեն առաջատար ՏՏ ընկերությունների ներկայացուցիչների դասախոսությունները, ապա թիմային աշխատանքների միջոցով կզարգացնեն իրենց գաղափարները: Ճամբարի ավարտին կընտրվեն լավագույն 3 նախագծերը, իսկ հեղինակները կարժանանան դրամական պարգեւի:
«Արմաթ» ամառային տեխնոլոգիական ճամբարն իրականացվում է արդեն 2-րդ անգամ: Ի տարբերություն նախորդի, այս տարի «Արմաթ» ճամբարին մասնակցում են 10-13 տարեկան նաեւ սփյուռքահայ դպրոցականներ (ԱՄՆ, Կանադա, ՌԴ):
«Արմաթ» ամառային ճամբարը յուրահատուկ է նրանով, որ աշխարհի տարբեր ծայրերում գտնվող հայ երիտասարդները կսովորեն եւ ազատ ժամանակ կանցացնեն միասին, ինչը կարող է լավ ընկերության եւ գործընկերության հիմք հանդիսանալ: Ճամբարի նպատակներից է նաեւ դպրոցականների մոտ զարգացնել թիմային ոգու գաղափարը:
«Արմաթ» ճամբարի օրակարգը հագեցած է ռոբոտաշինության, ծրագրավորման դասընթացներով, մրցույթներով, հայրենաճանաչությանն ուղղված միջոցառումներով: Ճամբարին մասնակցում են 300 դպրոցականներ, որոնց մի մասը «Արմաթ» լաբորատորիաների սաներն են: Մասնակիցները թիմերով կստեղծեն գծին հետեւող ռոբոտներ, հաղթող թիմերը կարժանանան մրցանակների:
«ԴիջիՔեմփ» եւ «Արմաթ» տեխնոլոգիական ճամբարների ամփոփումն ու մրցանակաբաշխությունը տեղի կունենա հուլիսի 8-ին:
18:06 | 30.06.17 |
Նորություններ
Արդարադատության նախարարը հյուրընկալվել է ՎիվաՍել-ՄՏՍ-ում
08:59 | 30.06.17 |
Նորություններ
Հավաստագրեր են ստացել VivaStart-ի շրջանավարտները
