14:47 | 06.02.14 | Նորություններ | 1136
Ռադիոիզոտոպների արտադրության համար անհրաժեշտ ցիկլոտրոնն արդեն Հայաստանում է
Ուռուցքաբանության գերազանցության հայկական կենտրոնի ստեղծման ծրագրի շրջանակներում ռադիոիզոտոպների արտադրության համար անհրաժեշտ ցիկլոտրոնն արդեն Հայաստանում է:
ՀՀ էկոնոմիկայի նախարար Վահրամ Ավանեսյանն այսօր ասել է, որ «Ցիկլոն 18/18» դասի ցիկլոտրոնը ձեռք է բերվել բելգիական «ԱյԲիԷյ մոլեկուլյար» կազմակերպությունից:
«Ցիկլոտրոնն արդեն տեղում է, պետք է արագացնել շենքի ներքին հարդարման աշխատանքները», - ասել է նախարարը:
ՀՀ կառավարությունն այսօր փոփոխություն կատարելով նախկինում ընդունված իր որոշման մեջ, որոշել է «Ռադիոիզոտոպների արտադրության կենտրոն» ընկերությանը պետբյուջեից առաջին եռամսյակում 792 մլն 386 հազար դրամ բյուջետային վարկ տրամադրել 15 տարի մարման ժամկետով:
Գումարը կուղղվի Ուռուցքաբանության գերազանցության հայկական կենտրոնի շենքի ներքին ինժեներական եւ արտաքին ինժեներական համակարգերի, ներքին հարդարման աշխատանքների համար:
