ԱրմենՏել ընկերությունը (ապրանքանիշը Beeline) Լոռու մարզի Օձուն համայնքում գործարկել է 3G-ծածկույթ:
3-րդ սերնդի, այդ թվում` 3G բջջային ինտերնետի ծառայությունները, հասանելի են համայնքի բնակիչներին: ԱրմենՏել-ը համայնքում իրականացրել է նաեւ GSM-ցանցի ծածկույթի բարելավման աշխատանքներ:
Ժամանակակից սարքավորումների տեղադրման արդյունքում 3G-ծածկույթն ընդլայնվել է մոտ 30 քմ. կիլոմետրով, իսկ Beeline 3G ինտերնետն այսուհետ հասանելի է համայնքի ավելի քան 5000 բնակիչներին:
