Երեւան/Մեդիամաքս/. Facebook սոցցանցը ԱՄՆ-ում գործարկել է Gifts ծառայությունը, որով օգտատերերը կարող են միմյանց իրական նվերներ անել, գրում է RBC-ն:
Ընկերներից որեւէ մեկի ծննդյան օրվանից 2 օր շուտ համակարգը կառաջարկի իր համար նվեր ընտրել: Նվերների ցանկում են, մասնավորապես, Starbucks սուրճը, Magnolia Bakery հրուշակեղենը եւ 1-800-Flowers.com ծաղկի խանութների ցանցը:
Ընտրելով նվեր՝ բավական է միայն վճարել դրա դիմաց եւ ուղարկել շնորհավորանք: Հասցեատիրոջ իրական հասցեն իմանալը պետք չէ. ստանալով հաղորդագրություն նվերի մասին՝ նա ինքնուրույն կնշի, թե ուր այն առաքել:
Gifts ծառայությունը ստեղծված է Karma սթարթափի հիման վրա, որը Facebook-ը գնել է 2012թ. հունիսին $80 մլն-ով:
Ամեն նվերից Facebook-ը միջնորդավճար կունենա, ինչը, ընկերության ակնկալիքներով, կավելացնի իր շահույթը մի քանի հարյուր միլիոն դոլարով:
Ծառայությունը դեռեւս գործում է միայն ԱՄՆ-ում, բայց ապագայում այն տարածվելու է նաեւ այլ երկրների վրա:
04:24 | 28.09.12 |
Նորություններ
ՎիվաՍել-ՄՏՍ-ը համակարգչային լսարան է բացել ՀՊՏՀ Եղեգնաձորի մասնաճյուղում
03:56 | 28.09.12 |
Նորություններ
Orange-ը հովանավորում է «Կանաչ տնտեսություն» խորագրով կոնֆերանսը
