Երեւան/Մեդիամաքս/. ԱրմենՏել ընկերությունը (ապրանքանիշը Beeline) հայտարարել է VPN ծառայության (Virtual Private Network –վիրտուալ մասնավոր ցանց) սակագների զգալի նվազեցման մասին:
1Մբ/վ թողունակությամբ վիրտուալ ցանցից օգտվելու սակագնային փաթեթի ամսական վճարը նախկին 44 000 դրամի փոխարեն այժմ 15 000 դրամ է:
20Մբ/վ-ից ավել թողունակություն ունեցող մասնավոր ցանցում յուրաքանչյուր մեկ մեգաբիթի արժեքը կազմում է 10 000 դրամ նախկին 24 450 դրամի փոխարեն:
Սակագնային փաթեթի արժեքը կախված չէ միացման տեխնոլոգիաներից եւ նույնն է ինչպես Ethernet, DSL այնպես էլ օպտիկամանրաթելային մալուխի միացման պարագայում:
«Հայաստանի տարածքում տվյալների փոխանցման ժամանակակից սեփական ենթակառուցվածքի առկայությունը հնարավորություն է ընձեռում մեզ կորպորատիվ հաճախորդներին առաջարկել այնպիսի ծառայություն, որի միջոցով հնարավոր է ստեղծել մեկ միասնական կորպորատիվ ցանց տարբեր տարածքներում գտնվող գրասենյակների համար: Նվազեցնելով VPN ծառայության սակագները` Հայաստանի միասնական օպերատորն իր հաճախորդներին առաջարկում է ոչ միայն փոխանցվող տեղեկատվության բարձր արագության եւ գաղտնիության ապահովում, այլեւ հնարավորություն է ընձեռում ավելի արդյունավետ կազմակերպել բիզնես գործընթացները», - ասել է «ԱրմենՏել» ՓԲԸ գլխավոր տնօրեն Իգոր Կլիմկոն:
07:45 | 26.09.12 |
Նորություններ
Orange-ը համակարգչային սրահ է բացել Արարատի մարզի Դիտակ գյուղում
09:45 | 25.09.12 |
Նորություններ
Մայքրոսոֆթ ինովացիոն կենտրոնում կանցկացվեն նոր դասընթացներ
