Վայրի բնության եւ մշակութային արժեքների պահպանման հիմնադրամը եւ «ՎիվաՍել-ՄՏՍ»-ը հանդես են եկել նոր նախաձեռնությամբ

Երեւան/Մեդիամաքս/. Վայրի բնության եւ մշակութային արժեքների պահպանման հիմնադրամը եւ «ՎիվաՍել-ՄՏՍ» բջջային օպերատորը հանդես են եկել նոր նախաձեռնությամբ:

Համատեղ ծրագրի շրջանակներում ապրիլի 24-ին 1915թ. Հայոց ցեղասպանության զոհերի հիշատակի հուշահամալիրին դրված ծաղիկները կստանան երկրորդ «կյանք»:

Ծաղիկների թերթիկները կչորացվեն եւ կվերածվեն թղթի, որը կօգտագործվի Հայոց ցեղասպանության թանգարանի շնորհակալական բացիկների եւ հուշաթերթիկների համար: