-
Վիլհելմ Հուգոն
-
-
-
Ռաֆայել Գեւորգյանը
-
Վիլհելմ Հուգոն
-
-
Անդրեյ Բիեվետսկին
-
-
Մանանա Մելքոնյանը
-
17:54 | 25.01.22 | Հոդվածներ | exclusive 12613
Ավտոտնակում հիմնված SAP-ը՝ ոգեշնչման աղբյուր SAP Startup Factory by BANA-ի համար
The Factory by BANA-ի նորաբաց co-working space-ում տեղի է ունեցել SAP Startup Factory by BANA աքսելերացիոն ծրագրի դեմո օրը:
2021թ. հունիսին գերմանական առաջատար SAP ընկերությունը եւ Հայաստանի բիզնես հրեշտակների ցանցը (BANA) հայտարարեցին Հայաստանում BANA-ի կողմից SAP Startup Factory-ի հիմնադրման մասին:
SAP Startup Factory-ի հիմնումը հնարավոր է դարձել ԵՄ-ն բիզնեսի համար նախաձեռնության «Նորարարական տուրիզմի եւ տեխնոլոգիաների զարգացում Հայաստանի համար» (ITTD) ծրագրի աջակցության շնորհիվ, որը համաֆինանսավորվում է Եվրոպական միության ու Գերմանիայի դաշնային հանրապետության տնտեսական համագործակցության եւ զարգացման նախարարության կողմից, իրականացվում՝ GIZ-ի կողմից:
16 շաբաթ տեւողությամբ ծրագրի ընթացքում SAP Startup Factory-ի մասնակից 8 ստարտափները հնարավորություն են ունեցել գիտելիքներ ստանալ SAP մասնագետներից եւ միջազգային փորձագետներից:
«Ուրախ ենք այս ամենի մաս կազմել, որովհետեւ համագործակցությունն իսկապես հաջողված է: Այսօր մենք տեսնում ենք դրա արդյունքները: ITTD-ն նախագիծ է, որն աշխատում է զբոսաշրջության եւ տեխնոլոգիաների զարգացման ուղղությամբ: Այս երկու ոլորտներում էլ մեծ ներուժ ենք տեսնում Հայաստանում», - տեսաուղերձում ասել է ՀՀ-ում ԵՄ պատվիրակության համագործակցության բաժնի պետ Ֆրանկ Հեսսը։
ԵՄ-ն բիզնեսի համար նախաձեռնության «Նորարարական տուրիզմի եւ տեխնոլոգիաների զարգացում Հայաստանի համար» ծրագրի ղեկավար Վիլհելմ Հուգոյի խոսքով՝ SAP Startup Factory-ն Հայաստանում նորարարական համակարգի ուշագրավ օրինակ է ստեղծել.
«Աշխարհում, որում ապրում ենք, տեխնոլոգիաների զարգացումը հնարավորություններ է ստեղծում: Իհարկե, կան բազմաթիվ մարտահրավերներ, կպահանջվի ժամանակ, բայց մենք ունենք ճգնաժամից դուրս գալու ու զարգանալու հնարավորություն», - ասել է Վիլհելմ Հուգոն:
Վիլհելմ Հուգոն
Նա կարեւորել է այս ու նմանատիպ ծրագրերի դեպքում մասնավոր հատվածի հետ աշխատանքը.
«Մենք ցանկանում ենք ավելացնել աշխատանքի հնարավորությունները, խթանել համագործակցությունն ու կապերը Հայաստանում, տարածաշրջանում ու գլոբալ մակարդակով»:
ՀՀ Էկոնոմիկայի նախարարի տեղակալ Ռաֆայել Գեւորգյանը եւս կարեւորել է հանրային ու մասնավոր հատվածների երկխոսությունը.
Ռաֆայել Գեւորգյանը
«Էկոնոմիկայի նախարարության տեսանկյունից նման միջոցառումներն ու նախաձեռնությունները շատ կարեւոր են: Կարեւորում ենք նաեւ հանրային ու մասնավոր հատվածների երկխոսությունը: Մենք լսում ենք մասնավոր հատվածի մտահոգություններն ու խնդիրները, եւ կառավարությունը փորձում է լուծել դրանք: Հաճախ բոլոր խնդիրները չենք կարողանում լուծել, բայց Գերմանիայի միջազգային համագործակցության ընկերության (GIZ) ու այլ գործընկերների աջակցությամբ փորձում ենք լուծել առնվազն դրանց մի մասը», - ասել է նախարարի տեղակալը:
«Աքսելերացիոն այս ծրագրի կարեւորագույն նպատակներից մեկն էր, որ ստարտափները սովորեն՝ ինչպես ղեկավարել բիզնեսը, ինչպիսի տեխնոլոգիաներ կիրառել», - ասել է SAP Labs CIS ընկերության գործադիր տնօրեն Անդրեյ Բիեվետսկին:
Նա հիշել է SAP ընկերության ստեղծման ու զարգացման պատմությունը.
«Այս տարի SAP-ը 50 տարեկան է դառնում: 50 տարի առաջ այն 5 ինժեներների կողմից Մայնհայմում հիմնված ավտոտնակային սթարթափ էր: Անհավատալի է, որ այդ 5 տղաները հիմնել են ընկերություն, որն այսօր ավելի քան 107 հազար աշխատակից ունի ու Գերմանիայում ամենամեծ արժեք ունեցողն է: Եթե հետ եմ նայում, տեսնում եմ, որ ստեղծման առաջին 10 տարիների ընթացքում SAP-ն աճել էր ընդամենը 18 աշխատակցով: Սա ասում եմ, որ հասկանաք՝ ստարտափ հիմնելն ու զարգացնելը հեշտ գործ չէ, բայց տեխնոլոգիաները փոխում են մարդկանց կյանքը դեպի լավը»:
Անդրեյ Բիեվետսկին
SAP Startup Factory-ի ծրագրերի ղեկավար Մանանա Մելքոնյանը միջոցառման մասնակիցներին ներկայացրել է ստարտափների հետ կատարված աշխատանքը.
«Ծրագրի գլխավոր նպատակն էր համապատասխանեցնել դրանք SAP արտադրանքին ու ներկայացնել SAP Store-ում, ինչը հասանելի կդարձներ ավելի քան 440 հազար հաճախորդ ունեցող շուկան»:
Մանանա Մելքոնյանը
Նա նշել է՝ այսքանով ստարտափների շուկան զարգացնելու ուղղությամբ աշխատանքը չի ավարտվում ու շուտով կազդարարվի նոր նախագծի մեկնարկը.
«Ամենաոգեւորող լուրն այն է, որ շուտով կսկսենք նոր՝ տարածաշրջանային ծրագիր: Եթե ունեք B2B ստարտափ ու ԱՊՀ տարածաշրջանից եք, հետեւեք մեր պաշտոնական էջերին ու պատրաստ եղեք դիմել», - ասել է SAP Startup Factory-ի ծրագրերի ղեկավարը:
Միջոցառման ավարտին SAP Startup Factory by BANA-ի աքսելերացիոն ծրագրի մասնակից ստարտափները ներկայացրել են իրենց գաղափարները:
Յանա Շախրամանյան
Լուսանկարները՝ Էմին Արիստակեսյանի
11:38 | 22.01.22 |
Հոդվածներ
Groksmith. խորհրդատվական ծառայությունից մինչեւ Venture Builder
18:36 | 20.01.22 |
Հոդվածներ
Դավիթ Յանը ներկայացրել է իր ստեղծած Morfeus-ի զրույցը մարդու հետ
