11:55 | 04.03.21 | Նորություններ | 2325
Հայկական արտադրության X-100 կայանը կարող է ազդել արբանյակային տեղորոշման համակարգերի վրա
ՀՀ բարձր տեխնոլոգիական արդյունաբերության նախարարությունը ներկայացրել է հայկական արտադրության արբանյակային տեղորոշման համակարգերի ճնշման ռադիոէլեկտրոնային պայքարի (ՌԷՊ) «X-100» կայանը:
Կայանի նպատակն է ազդել արբանյակային տեղորոշման GPS, GLONASS եւ այլ տեսակի համակարգերի վրա՝ ԱԹՍ-ների եւ այլ սարքերի տեղորոշման համակարգերի աշխատանքը մինչեւ 100կմ հեռավորությամբ խափանելու նպատակով:
Նախարարությունում նշել են, որ կայանը ռազմարդյունաբերական համալիրի այլ մշակումների հետ միասին կցուցադրվի մարտի 25-27-ը Երեւանի Կ. Դեմիրճյանի անվան մարզահամերգային համալիրում անցկացվող Արմհայթեք սպառազինության եւ պաշտպանական տեխնոլոգիաների միջազգային ցուցահանդեսի շրջանակներում։
