Հայկական ONEX ընկերությունը, որը մատուցում է օնլայն գնումների արագ առաքման ծառայություն, Հայաստանում գործարկել է առաջին SMART LOCKER-ը։
Սեփական արտադրության այս նորարար տեխնոլոգիան կդարձնի օնլայն գնումներն էլ ավելի հասանելի։ Այն օնլայն գնումների ստացման ավտոմատացված համակարգ է, որը հիանալի այլընտրանք է առաքում տուն ծառայությանը։
Օգտատերը նախապես ստանում է անհատական կոդ, որը սկանավորելով կամ մուտքագրելով կարող է վերցնել իր առաքանին մոտակա ONEX LOCKER-ից` իրեն առավել հարմար ժամանակ։
Ընկերությունն առաջիկայում նախատեսում է ONEX LOCKER-ների ծածկույթով ապահովել ողջ Հայաստանը եւ ոչ միայն։ Այս պահին հասանելի են 8 ONEX LOCKER-ներ Երեւանի Մետրոպոլիտենի մի շարք կայարաններում, Երեւան Սիթի խանութների ցանցում, Yerevan Mall-ում եւ Megamall-ում։
«Արագությունը եւ նորարարությունը մշտապես եղել են ONEX-ի գլխավոր հենասյուները։ Հիմնվելով այդ գաղափարների վրա, մենք ստեղծեցինք առաքանիների ստացման նոր տարբերակ, որն էլ ավելի հարմարավետ կդարձնի մեր սպառողների օնլայն գնումները, կբացառի մարդկային շփումը եւ կհանձնի առաքանին ընդամենը 7 վայրկյանում»,- իր խոսքում նշել է ONEX-ի համահիմնադիր եւ տնօրեն Սամվել Մարտիրոսյանը։
ONEX ընկերությունն իր գործունեությունը սկսել է 2015թ. օգոստոսից։ Ներկայումս այն ունի ավելի քան 100 հազ. օգտատեր։ Ընկերությունն իրականացնում է առաքումներ ԱՄՆ-ից, ՌԴ-ից, Չինաստանից, Մեծ Բրիտանիայից եւ Դուբայից:
14:01 | 09.06.20 |
Նորություններ
«Թիմ»-ը դիմել է ՏՄՊՊՀ՝ Veon-ի հետ գործարքի թույլտվություն ստանալու համար
11:31 | 09.06.20 |
Նորություններ
Մարդն ու արհեստական բանականությունը կմրցեն օդային մարտում
