Վիվա-ՄՏՍ. «+Video» ծառայությունը կտրամադրի անսահմանափակ YouTube եւ TikTok՝ «X» սակագնային պլանի շրջանակում

Վիվա-ՄՏՍ-ը տեղեկացնում է, որ մինչեւ հունիսի 30-ը ներառյալ, «X» կանխավճարային եւ հետվճարային սակագնային պլանների, ինչպես նաեւ «եւ» սակագնային պլանի տարբերակ 2-ի շրջանակում YouTube եւ TikTok հավելվածներն օգտագործելիս հիմնական ինտերնետ փաթեթի մեգաբայթերը չեն սպառվում:

«+Video» ծառայությունը ներկայում հասանելի է եւ ավտոմատ ակտիվացված է վերոնշյալ սակագնային պլանների ակտիվ փաթեթ ունեցող բաժանորդների համար:

Ծառայությունը թույլ կտա բաժանորդներին YouTube եւ TikTok հավելվածներում անսահմանափակ դիտել ու վերբեռնել տեսանյութեր եւ լսել երաժշտություն՝ որքան ցանկանան:

Ընկերության TikTok-ի պաշտոնական էջին կարելի է միանալ այստեղ:

Նշենք, որ 2020թ. հուլիսի 1-ից YouTube եւ TikTok հավելվածներից օգտվելիս կօգտագործվեն սակագնային պլանի շրջանակում տրամադրվող մեգաբայթերը: